header_image
Your search results

دليل التشطيب و الديكور

Posted by Arabian Business on 28 مايو، 2017
| 0

DECORATION GUIDE

ديكورات شقق – 1- افهم شقتك -دليل شقة الديكور لغير المتخصصين


التصميم الداخلي و ديكورات الشقة اغلب الناس بتعمله بدون مساعدة متخصص . اعتماداً علي الخبرة الشخصية او اراء بعض الأقارب واللي ذوقهم وشخصيتهم بيختلف عن اصحاب الشقة . والنتيجة زحمة وعدم تناسق . مع العلم انه بمجرد فهم بعض اساسيات عملية الديكور والتصميم نقدر نتجنب الكثير من الاخطاء اللي هتخلي بيتك ابسط وأجمل و معبر اكتر عن شخصيك ودي هينعكس بشكل ايجابي و واضح علي حياتك اليومية داخل بيتك او شقتكاولا وقبل البداية لازم نتعرف علي مفهومين هنستخدمهم كتير في المقال

الفراغ :

اي مكان فاضي داخل الشقة سواء كانت الشقة ” الفراغ العام ” – او جزء منها مثل فراغ المعيشة او النوم وغيرهم من فراغات البيت

التصميم الداخلي :

هو عملية تجميل الفراغ وفيه بنهتم بحاجتين

الجانب الجمالي للفراغ :وفيه بنهتم بشكل الفراغ , الالوان , الاضاءة , الفرش وقطع الديكور وغيرها من الجوانب الجمالية

الجانب الوظيفي : وهنا بنهتم بالنشاطات اليومية والحركة داخل كل فراغ بشكل يضمن سهولة العمل و الحركة داخل الفراغات المختلفة زي المطبخ وغرفة المعيشة وغيرها من فراغات الشقة الاخري

 

الخطوة الاولى رسم الشقة :

اول خطوة فى عملية التصميم هى عمل رسم للشقة مع وضع كل المقاسات للحوائط والغرف

 

الخطوة الثانية توزيع كروكي للفرش بالمقاسات في كل فراغ , حتي نتأكد ان الشقة لا تحتاج لتعديل وان جميع الفراغات بمساحة مناسبة ولن تواجهنا مشكلة عند الفرش

السؤال المهم امتى تحتاج الشقة للتعديلاو لإعادة تقسيم ؟

فى حالة وجود رؤية شخصية منك او من مهندس الديكور بوجود توزيع افضل من التوزيع الحالى يعطى استغلال امثل للفراغات .

 

في حالة وجود فراغ ” غرفة ” كبيرة في المساحة بشكل غير مفيد أو مستغل وفراغ اخر صغيرة في المساحة بشكل هيأثر علي الحركة في الفراغ دي ، هنا التعديل واعادة التقسيم اصبح ضرورة . هنتعلم ازاي نعرفه وازاي نتعامل معاه

 

ولكن لاحظ ان هناك الكثير من البيوت يكون فيها الكمر الخرسانى ساقط عن السقف , فتكون التعديلات فى التقسيم محدودة و قد تضطر الى عمل الاسقف الصناعية على ارتفاع منخفض لتغطية الكمرات , لذا يفضل عدم الخوض فى اعادة التقسيم الا بعد استشارة مهندس او مقاول مختص .

 

كيف تعرف كفاية او عدم كفاية مساحة اى فراغ للاستخدام الشخصى ؟

وللإجابة على هذا السؤال سيتم شرح اقل مساحة ممكنة لكل فراغ ، و مقاسات فرش كل فراغ ، و كيفية فرش هذا الفراغ , و ستكون هذه المعلومات كافية لأخذ قرار التعديل او اعادة التقسيم , و مساعدتك فى اعادة توزيع الفراغات و فرشها اذا تطلب ذلك ولكن في البداية لازم نتعرف علي انواع الفراغات وعلاقتها ببعضها .

 

كيفية توزيع وترتيب الفراغات داخل الشقة :

تتكون الشقة من مجموعة من الفراغات الرئيسية وهي فرغات المعيشة وفرغات الاستقبال والمدخل والممرات و

فى مجتمعنا المصرى , بيكون افضل تقسيم هو الذى يحقق الخصوصية لأهل المنزل عند وجود ضيوف وزائرين للمنزل , حيث يتم فصل فراغات المعيشة ( غرف النوم و غرفة المعيشة و الحمام و المطبخ ) و فراغات الاستقبال ( الصالون و السفرة ) قدر الامكان لتحقيق الخصوصية.

 

طب ازاى تحدد اماكن الغرف و تفصل فراغات المعيشة عن فراغات الاستقبال ؟

 

اذا كان باب الشقة يقع فى منتصف الشقة يفضل ان يراعى الاتى

 

فصل فراغات الاستقبال فى اتجاه و فراغات المعيشة فى اتجاه اخر

تكون السفرة هى الاقرب لفراغات المعيشة لإمكانية فصلها عن الاستقبال

يفضل ان يكون الحمام هو الاقرب لفراغات الاستقبال ثم المطبخ

اذا كان باب الشقة يقع فى اول الشقة

يفضل ان تكون اقرب الفراغات للباب هى الصالون ثم السفرة ثم الحمام و المطبخ ثم فراغات المعيشة

لا يفضل وضع باب الحمام او المطبخ على فراغ غرفة المعيشة .

تجنب الغرف المطلة على المناور قدر الامكان للحصول على تهوية طبيعية و لدخول اشعة الشمس .

فى حالة ضرورة وجود احد الغرف او كلها على مناور , يفضل وضع ابوابها على فراغ ذو تهوية طبيعبة مثل ممر توزيع او غرفة المعيشة

 

 

كيفية التعامل مع كل فراغ ,وهل هو في حاجة للتعديل ولا لأ ؟

وهنا هنتعرف علي حجم قطع الاثاث والموبيليا المتوقع تواجدها في كل فراغ وبناء عليه هنعرف الحد الادني والمتوسط لكل غرفة . فإذا كانت الغرفة اقل من الحد الادني هنا التعديل هيكون ضرورة

 

غرفة النوم :

غرفة نوم رئيسية :

سرير: لا تقل ابعاد السرير عن : العرض 1.8 م والطول 1.8م أو 2.00 م , و يفضل ان يزيد طول السرير عن طول الشخص اللي هينام عليه ب 25 سم

الدولاب : غالبا بيتكون 6 ضلفات العرض 2.4 م و الطول او العمق ثابت وهو 60 سم

السراحة : العرض من 1.2 م الي 1.6 م و لا يقل العمق عن 50 سم . و العمق الطبيعي هو 60 سم

الكومود : لا يقل عن طول 40 و عرض 40 ، و المعتاد طول 50 وعرض 50

اقل مساحة لغرفة نوم رئيسية

الحد الادني لغرفة نوم رئيسية بسراحة : 3.2 * 3.8

المتوسط 4 م * 4 م ، اكبر من ذلك لا يوجد أى مشكلة

وفي حالة صغر المساحة يمكننا التخلي عن السراحة واستغلالها في غرفة اخري وعليه هتكون مساحة

غرفة نوم رئيسية بدون سراحة : 3.2 م * 2.6 م

افكار ديكورات وصور غرف نوم رئيسية كلاسيك -مودرن – بوست مودرن ومتنساش تعمل كتاب افكار خاص لغرف النوم الرئيسية

 

غرفة نوم اطفال

سرير : لا يقل عرض السرير عن 90 سم , و طوله عن 1.8 م , و يفضل ان يزيد طول السرير عن طول الشخص اللي هينام عليه ب 25 سم

الدولاب : العرض من 1.2 م الي 1.8 م والعمق ثابت وهو 60 سم

السراحة : العرض من 80 سم الي 1 م و لا يقل العمق عن 50 سم . و العمق الطبيعي هو 60 سم

الكومود : لا يقل عن 40 سم * 40 سم ، و المعتاد 50 سم * 50 سم

اقل مساحة لغرفة نوم اطفال

غرفة نوم لفرد واحد بمكتب : 3 م * 2.7 م

المتوسط 4 م * 4 م ، أكبر من ذلك لا يوجد مشكلة

نقاط هامة لتوزيع فرش غرفة النوم المستطيلة :

لنفترض ان الشكل الطبيعى للغرفة هو غرفة مستطيلة بها باب و شباك

لا يوضع السرير او الدولاب او السراحة ابدا في نفس الحائط مع الشباك , لذا يتم تخصيص الحائط الموجود به الشباك للكومود او كممر بالغرفة

لا يفضل وضع السرير فى الضلع المواجه للشباك , و ذلك لتجنب شدة الاضاءة صباحا , او للخصوصية عند الرغبة فى فتح الشباك

يفضل وضع الدولاب بين ثلاث حوائط بحيث يغطى اضلاعه الثلاث و حتى لا يمثل جانب الدولاب سدا عند الدخول من باب الغرفة , لذا نحاول ان امكن ان نظهر وجه الدولاب فقط

افكار ديكورات وصور لغرف نوم الاطفال ومتنساش تعمل كتاب افكار خاص لغرف نوم الاطفال

الصالون و غرفة المعيشة :

في اغلب الاحيان بتكون مقاسات قطع الفرش في الصالون نفس مقاسات غرفة المعيشة

مقاسات الفرش :

فوتيه او كرسي صالون: 70 سم * 70 سم تقريبا , و يزداد غالبا حسب المصنع .

كنبة 2 فرد : 120 سم * 70 سم تقريبا

كنبة 3 فرد : 160 سم * 70 سم تفريبا

طاولة جانبية : 40 سم * 40 سم او اكثر

اقل مساحة للصالون او المعيشة :

لايوجد مساحة معينة , فهو يعتمد على ما تريد فرشه , او امكانيات المساحة عندك , فبعض الناس قد يكتفى بكنبة و كرسى فقط , و لكن عامة , فراغ بطول 3.50 م و عرض 3.00 يكفى لصالون او غرفة معيشة لـ 4 اشخاص و مكان لوضع تليفزيون ، المتوسط 4 م * 4 م اكثر من ذلك لا يوجد اي مشكلة .

نقاط هامة لتوزيع فرش الصالون و المعيشة :

يفضل عدم سد مدخل البلكونه بالكنبة الا عند الضرورة

Lاستغلال المساحة فى كورنر الفراغ ان امكن بوضع ترابيزة جانبية او كنبة حرف

وضع ترابيزة جانبية بجانب كل وحدة فرش ان امكن و ترابيزة اخرى فى منتصف الفراغ .

لا يقتصر فرشك على الاساسيات , حاول ان تجد مكانا لعناصر جمالية و نباتية فى الفراغ .

عدم وضع التلفزيون فى مواجهة الشباك حتى لا يزعجك انعكاس الاضاءة عند المشاهدة

افكار ديكورات وصور لغرفة الصالون والمعيشة ومتنساش تعمل كتاب افكار لغرفة المعيشة

السفرة :

مقاسات الفرش :

سفرة لـ 4 اشخاص بالكراسى حولها : 1.25 م عرض و 1.6 م طول .

سفرة لـ 6 اشخاص بالكراسى حولها : 1.25 م عرض و 1.85 م طول .

سفرة لـ 8 اشخاص بالكراسى حولها : 1.25 م عرض و 2.5 م طول .

النيش او دولاب الهدايا : اقل عرض هو 1.2 و اقل عمق هو 50 سم .

اقل مساحة للسفرة :

تختلف بإختلاف عدد الافراد المطلوب , و لكن عامة , المساحة التى تحتاجها السفرة هى :

الطول : طول ترابيزة السفرة المطلوبة + 60 سم على الاقل لحركة الاشخاص

العرض : عرض ترابيزة السفرة المطلوبة + 60 سم عرض النيش +60 سم للحركة لكل كرسي يقع علي طرفي السفرة يعني 1.2 م , اى ما يساوى 3.00م تقريبا .

افكار ديكورات وصور للسفرة ومتنساش تعمل كتاب الافكار

المطبخ :

المطبخ من اهم فراغات البيت لان ست البيت تقضي فيه وقت كبير من اليوم وكمان لانه بيحتوي علي عدد كبير من الاجهزة والدواليب وعلشان كدة لازم نهتم واحنا بنفرش المطبخ للوصول الي افضل استغلال للمساحة وتوفير مساحه مناسبه للعمل داخل المطبخ

مقاسات اصغر اجهزة و فرش:

البوتاجاز : 60 سم * 60 سم بارتفاع 85 سم .

الثلاجة : 70 سم * 70 سم بارتفاع 1.4 متر .

غسالة الملابس : عرض 65 سم و عمق 65 سم و بارتفاع 85 سم .

غسالة الاطباق : عرض 60 سم و عمق 55 سم بارتفاع 65 سم

حوض حلة واحدة : 45 سم * 45 سم .

عرض رخامة المطبخ : 60 سم .

اقل مساحة للمطبخ :

يعتبر مطبخ بمساحه 3 م ( 1.5 م * 2 م ) أو أكبر مناسب لوضع البوتجاز و الثلاجه و غساله الملابس و الحوض بشرط الا يقل طول اصغر ضلع فى المطبخ عن 1.5 م

نقاط هامة لتوزيع الاجهزة فى المطبخ :

يفضل وضع البوتاجاز عند اقرب مكان للشباك لسحب الادخنة مباشرة.

(wet working area ) وضع غسالة الملابس و غسالة الاطباق بجانب الحوض , حيث تسمى هذه المنطقة بمنطقة الاعمال المبللة

( preparation area ) كما يوفر هذا مساحة على الرخامة بجانب الحوض لتقطيع و تحضير الطعام و تسمى هذه بمنطقة التحضير .

يتم وضع الثلاجة فى اى مكان حسب الرغبة , و لكن يفضل قربها لمنطقة التحضير .

يتم استغلال باقى المساحة لعمل دواليب و ادراج للتخزين .

افكار وصور ديكورات للمطبخ ومتنساش تعمل كتاب افكار للمطبخ

الحمام :

مقاسات فرش الحمام :

المرحاض: عرض 40 سم و طول 70 سم .

اصغر حوض 45 سم * 45 سم تفريبا .

بانيو قدم : 80 سم * 80 سم .

بانيو عادى : عرض 70 سم و طول يبدأ من 1.05 م حتى 2 م تقريبا .

عرض رخامة الحوض ان وجدت , يمكن ان تبدأ ب 40 سم للحوض البارز , و المعتاد هو عرض 60 سم .


اقل مساحة حمام :

اقل حمام ببانيو قدم : 1.5 م * 1.2 م

اقل حمام ببانيو عادى : 1.7 م * 2.25 م

اقل حمام بدون بانيو ( حمام الضيوف ) : 1.6 م * 0.86 م

نقاط هامة لتوزيع الاجهزة فى الحمام :

غالبا ما يكون مكان المرحاض محدد و ثابت لارتباطه بصرف العقار , و تغييرمكانه قد يكون صعبا , و ان كان هناك امكانيه لتغيير مكانه فيفضل ان يكون اسفل او بجانب الشباك للحصول على افضل تهوية .

يفضل من ناحيه التصميم ان يكون الحوض هو اول جهاز تواجهه عند دخول الحمام لأنه اكثرها استخداما و تقبلا فى حالة ترك باب الحمام مفتوح لك أو لضيوفك

يجب الا تقل المسافة بين منتصف المرحاض و الحائط المجاور عن 40 سم .

يفضل بُعد البانيو عن المرحاض قدر الامكان و ذلك لراحة المستخدم عند الاستحمام .
افكار وصور ديكورات للحمام ومتنساش نعمل كتاب الافكار

وبكدة تقدر تعمل رسم كروكي لشقتك والموضوع مش هيكلفك اكتر من ورقة وقلم وشوية وقت ، وهيوفر عليك تعب الفرش ومفاجأته .كل التوفيق في امتلاك شقة جميلة