Revolution Slider Error: Slider with alias demo not found.
Your search results

الاستثمار العقارى فى مصر

Posted by Arabian Business on 10 يونيو، 2017
| 0

ليه الاستثمار العقارى فى مصر افضل استثمار

ليه العقار افضل استثمار
كتير مننا في الفترة الأخيرة بيحاول يستثمر الفلوس اللي معاه فى ظل حاله عدم الاستقرار فى السوق المصرى فيه ناس كتير معندهاش المقدرة إنها تغامر بالمبلغ اللي معاها وتدخل بيه مشروع صغير أو كبير عشان لا قدر الله لو خسر الفلوس دي لأي سبب ميكونش خسر تحويشة العمر كله وده سبب مفهموم جداً وتخوف يحترم .
وده بيخلي كتير من الناس يفكروا لمدة طويلة إزاي أستثمر فلوسي بس يكون ده بشكل مضمون ومن غير ما تكون نسبة الخطر كبيرة.
في الحقيقة مجال العقارات مثال حي وواضح جداً في الموضوع ده وبالتحديد في مصر اللي بنشوف فيها فترة من فترات النمو العقاري علي مستوي البناء وعلي مستوي البيع والشراء،
وده بيخلق فرص كتير للناس اللي حابه تخرج فلوسها من البنك وتستفيد من المبلغ في إستثمار عقاري سعره بيزيد مع مرور الوقت وفي أسوء الأحوال لو السعر محصلش فيه زيادة مش هيحصل فيه نقص وده في حد ذاته مش وحش.
الحقيقه إن فيه جوانب كتير مفيده للإستثمار في العقار ومن ضمن الجوانب دي إن العقار ممكن يجيب ليك دخل شهري ثابت ودوري وده عن طريق إنك تعرض الشقة للإيجار سواء للأفراد أو الشركات وده يعتبر من النماذج الرائعة في الإستثمار في العقار يعني مش شرط أبداً إنك تشتري العقار وتسيبه لغايه لما سعره يزيد وتبيعه، ممكن لغايه لما تيجي اللحظه دي تستفيد بمبلغ الإيجار الشهري.
وكمان من ضمن المميزات إن كل واحد يقدر يشتري علي قد إمكانياته والفلوس اللي متاحه معاه، اللي معاه مبلغ قليل ممكن يشتري شقه مساحتها صغيره وقسطها الشهري معقول، واللي يقدر يستثمر في فيلا ربنا يقدره علي سعرها وأقساطها.
ومش بس الشقق اللي ممكن تستثمر فيها، ممكن تستثمر في أنواع أخرى من العقارات زي المحلات والمكاتب التجارية، ودلوقتي بقي فيه فرص كتير في مشروعات جديدة للإستثمار في العقارات التجارية.
في النهايه عميلنا العزيز اللي خايف من الدخول في عالم المستثمرين والإستثمارات، بالنسبه ليك العقارات هتكون أفضل إستثمار. بدون مخاطره كبيره لإنها بتحتفظ بقيمتها، وعلى مر العصور العقارات والأراضي سعرها عمره ما كان بيقل بالعكس علي طول الخط كان بيزيد